蓬壶揣知亚白并不属意于文君王，和子刚商量道：“倪两家头，总要管俚寻一个对景点末好；勿然，未免辜负仔俚个才情哉（口宛）。”子刚道：“耐去替俚寻罢。该个媒人我做匆来。”黄翠凤插嘴道：“倪搭新来个诸金花阿好？”子刚道：“诸金花，我看也无啥好，俚陆里对嗄？”亚自道：“耐闲话先说差哉。我对勿对倒勿在乎好勿好。”子刚道：“价末倪一淘去看看也无啥。”
当下吃毕大菜，各用一杯咖啡。倌人、客人一哄而散。蓬壶因赵桂林有约，同亚自、子刚步行进尚仁里，然后分别。方蓬壶自往赵桂林家。高亚自、钱子刚并至黄翠凤家。翠凤转局未归，黄珠凤、黄金凤齐来陪坐。子刚今小阿宝喊诸金花来，小阿宝承命下去。
子刚先向亚自诉说诸金花来由，道：“诸金花末是翠凤娘姨诸三姐个讨人。诸三姐亲生囡仵叫诸十全，做着姓李个客人，借仔三百洋钱买个诸金花，故歇寄来里该搭，过仔节到么二浪去哉。”
话未说完，诸金花早来了，敬毕瓜子，侍坐一旁。亚白见他眉目间有一种淫贱之相，果然是么二人材，兼之不会应酬，坐了半日，寂然无言。亚自坐不住，起身告别。子刚欲与俱行，黄金凤慌的拦住道：“姐夫（要勿）去囗，阿姐要说个呀。”
子刚没法，只得送高亚白先去。金凤请子刚躺在榻床上，自去下手取签子，给子刚烧鸦片烟。子刚一面吸烟，一面和金凤讲话。吸过三五口，只听得楼下有轿子进门，直至客堂停下，料道是黄翠凤回家。
翠凤回到房里，换去出局衣裳，取根水烟筒，向靠窗高椅而坐，不则一声。金凤乖觉，竟拉了黄珠凤同过对面房间，只有诸金花还呆脸兀坐，如木偶一般。
第三十一回终。
------------------
豆豆书库收集整理
按：黄翠凤未免有些秘密闲话要和钱子刚说，争奈诸金花坐在一傍，可厌已甚。翠凤眼睁睁看他半日，不禁好笑，问道：“耐坐来浪做啥？”金花道：“钱大少爷喊我上来个呀。”翠凤方才会意，却叹口气道：“钱大少爷喊耐上来末，替耐做媒人呀，耐阿晓得嗄？”金花茫然道：“钱大少爷勿曾说（口宛）。”翠凤冷笑道：“也好哉！”子刚连忙摇手道：“耐（要勿）怪俚。高亚自个脾气，我原说勿对个，一歇歇坐勿定，教俚也无处去应酬。”翠凤别转脸道：“要是我个讨人像实概样式，定归一记拗杀仔拉倒！”子刚婉言道：“耐要教教俚个囗，俚坎坎出来，勿曾做歇生意末，陆里会嗄？”
翠凤从鼻子里叹出一声道：“看仔倪娘姨要打俚乃末，好像作孽；陆里晓得打过仔，随便搭俚去说啥闲话，俚总归勿听耐个哉，耐说阿要讨气！”金花忙答道：“阿姐说个闲话，我才记好来里。要慢慢交学起来个呀，阿对（口夏）？”翠凤倒又笑而问道：“耐来浪学啥（口夏）？”金花堵住口说不出，子刚亦自粲然。
翠凤吸过两口水烟，慢慢的向子刚道：“俚个人生来是贱坯。俚见仔打末也怕个，价末耐巴结点个囗；碰着俚哉吨，说一声动一动。”说着转向金花道：“我搭耐说仔罢，照实概样式，好好交要打两转得囗！”金花听说，呜咽饮泣，不敢出声。翠凤却也有些怜惜之心，复叹口气道：“耐做讨人还算耐运气，碰着仔倪个无(女每)，耐去试试看！珠凤比仔耐再要乖点，（要勿）说啥打两记，缠缠脚末，脚指头就沓脱仔三只！”金花仍一声儿不言语。
翠凤且自吸水烟，良久，又向子刚道：“论起来，俚哚做老鸨该仔倪讨人，要倪做生意来吃饭个呀；倪生意勿会做，俚哚阿要饿煞？生来要打哉（口宛）。倪生意好仔点，俚哚阿敢打嗄？该应来拍拍倪马屁。就是像俚乃铲头倌人，替老鸨做仔生意，再要拨老鸨打。我总勿懂俚乃为啥实概贱嗄！”
说话之时，只听得楼下再有一肩轿子进门，接着外场报说：“罗老爷来。”黄金凤早于楼梯边迎接，叫声“姐夫，该搭来囗。”罗子富径往对过房间。
这里钱子刚即欲兴辞。黄翠凤一把拉住，喝令诸金花：“对过去陪陪！”金花去后，子刚方悄问翠凤道：“耐阿曾搭无(女每)说歇？”翠凤道：“勿曾。故歇去说，常恐说间架仔倒勿好。过仔节再看。该搭事体耐（要勿）管，闲话末我自家来说。罗个出仔身价，耐替我衣裳、头面、家生办舒齐仔好哉。”